*********************************************************
احنا بنحب ربنا ونحب الكنيسة ونحب نعيش مع ربنا ولكن بتقابلنا مشكلة فى احيان كثيرة ان نجد مشاعرنا فاترة بنصلى مش حاسين نروح القداس مش حاسين نقرأ فى الانجيل مش حاسين يعنى كاننا نعمل عمل روتينى من غير احساس ده بيضايق ربنا اوى خصوصا اننا عارفين ان الفتور بيضايق ربنا اللى ربنا اتكلم عنه بوضوح فى سفر الرؤيا الاصحاح الثالث لما ربنا قال لملاك كنيسة اللاودكيين اسقف هذه الكنيسة قاله لست حارا ولا باردا لانك انت فاتر أنا مزمع ان اتقيئك من فمى
تعالوا نقرا قصتنا :
حصلت فى احدى القرى المصرية فيها كنيسة وفيها كاهن بسيط وبركة وحلو مع ربنا ومواظب على خدمته ولكن بدأ يلاحظ وهو بيصلى الشعب بيتكلم مع بعض ومش مركزين والناس بتيجى لكن مش بمشاعرها وناس مش بتيجى كمان من اهل البلد وقعد يكلم الشعب ان القداس حلو . وبعد كده كلم ربنا وسأله انا السبب ولا هما لو انا فاتر صحينى ولو هما صحيهم .ومرت الايام وهو مواظب على الصلاة ولكن ما زال يعانى هو وشعبه من الفتور وفى مرة بعد قداس وناول الشعب وصرفهم ,,,خرج ابونا راح بعدها يزور واحد من القرية هو وواحد معاه من اهل القرية وهما ماشيين على الطريق جنب الترعة عدوا على حته فيها اكوام تراب ورمل فجلبية ابونا اتبهدلت وبقت كلها متربة فالراجل اللى مع ابونا قاله نفضها ابونا قاله دى مليانه تراب وقاله انا نازل اغسلها فى الترعة قاله وماله يا ابونا نزلوا حته لحد ما قربوا من المية وبعدين جاب طرف الجلبية وبدأ يغسلها بمية من الترعة وهو بيعمل كدا سمع صراخ فلاح حرررررررااااااااااااااااااااام
حرااااااااااااااام عليكم حرام عليكم هتغرقوا العيل ليه ؟؟؟؟!!!
ابونا قال هو الكلام ده لينا ولا لمين قاله مش عارف يا ابونا بس ده الراجل بيبص علينا ومفيش غيرنا ,,, وطى ابونا تانى يغسل طرف الجلبية سمع نفس الكلام والصراخ تانى
الراجل وابونا استغربوا واحنا لوحدنا مش معانا عيل لكن ربنا ايقظ ابونا واعطاه انتباه روحى وبص فى صباعه وجد جزء صغير من جسد المسيح بظافره بعد ما صرف الذبيحة وكل حاجة قال يا ربى انا اسف وبسرعه اخذه فى فمه واشكرك يا ملاك الذبيحة انك نبهتنى بالراجل ده وقفوا يصلوا وبقوا فرحانيين ومشيوا راحوا طريقهم ولكن ...... قلوبهم اتحركت من هنا يا رب هدقق فى كل حاجة فى صلاتى وقرأتى فى الانجيل وهفتقد الشعب اكثر واكثر وبدأ الكاهن يزداد حرارة وقوة ياه انت معانا يا رب وملاكك معانا .فى القداس اللى بعده حكى ابونا القصة للشعب كله فشعروا بمخافة الله وان ربنا موجود والجسد ده جسد المسيح
وازدادات الحرارة الروحية فى قلوب كل سكان القرية والناس جت الكنيسة اللى متغيبيين عنها وشعروا برهبة الكنيسة والقداس وناس اعترفت بخطاياهم واللى مش بيعرف يقرأ يقول لغيره اقرأ لى والكل فرحان المسيح موجود واحنا مش حاسين بيه
+++++++++++++++++++++++++++++++++++++
هل لازم المسيح يعمل معجزة علشان نصحى ؟؟؟؟؟
ربنا موجود بجسده ودمه الحقيقى على المذبح علطول
الناس هتفضل مش فاضية لحد امتى ؟؟؟؟؟
اتمتع بربنا
فى اعلى من كدا ولا اعظم من ان ربنا يتحد بيك ويبعد عنك الاكتئاب والضيق ويبعد عنك كل افعال ابليس
انت معطل نفسك ليه
قوموا نعيش مع ربنا
++++++++++++++++++++
صلوا من اجل الخدمة
موضوع: قصة من اجل الفتور الروحى تعالو نشوف .......... 
الجمعة مايو 20, 2011 4:17 am
